Një zanat i marrë sot, mund të jetë një investim i mirë për punën tënde nesër. Kjo I ka nxitur së tepërmi nxënësit e Elbasanit për tu regjistruar në shkollën e arsimit profesional.

Gati dy muaj nga mbyllja e këtij procesit të regjistrimit vërehet një numër i kënaqshëm i nxënësve që duan të ndjekin degët e teknologjisë së informacionit, shërbime mjete transporti dhe hoteleri turizëm.

Po cilat janë arsyet që nxënësit zgjedhin arsimin profesional?,

Drejtori i shkollës së mesme në Elbasan Leonidha Haxhinikolla shprehet se “ Profesioni i siguron një vend punësimi më të sigurt në jetë. Nxënësit kanë mundësi të punësohen edhe gjatë studimeve”.

Mjaft nxënës vijnë vinë edhe nga rrethet të tjera për ta ndjekur shkollën në Elbasan, ndërsa avantazh përbën fakti se diploma njihet edhe jashtë vendit.

Për të gjithë ata të rinj dhe prindër të cilët nuk janë ende të sigurtë në zgjedhjen e tyre vjen një mesazh.

Regjistrimet kanë nisur më 8 korrik dhe mbyllen më 30 shtator. Ky proces kryhet online, por edhe duke u paraqitur fizikisht në mjediset e shkollës.

/rtsh.al/