Muaji gusht shënon edhe fluksin më të lartë të kërkesave për tu pajisur me dokumente biometrike si karta apo pasaporta në Shkodër.

Janë kryesisht emigrantët që shfrytëzojnë edhe ditët e pushimit të cilat po i kalojnë në vendlindje për tu pajisur edhe me dokumentet identifikuese

Sipas qytetarëve shërbimi i ofruar pranë këtyre sporteleve është korrekt dhe i shpejtë duke evituar në këtë mënyrë edhe radhët e pritjeve.

“Shërbimi shumë i mirë, mbarova punë shumë shpejt, vajzat shumë të sjellshme”, shprehen ata.

Masat e marra nga zyrave të aplikimit për karta ID dhe pasaporta duket se po lehtësojnë edhe  fluksin e aplikimeve, të cilat gjatë kësaj kohe janë shtuar ndjeshëm.

Aplikimi për dokumente biometrik bëhet në zyrën ku qytetaret janë banor, duke u paraqitur me një kupon të blerë në zyrën e Postës Shqiptare. Ndërsa riaplikimi mund të bëhet në çdo zyrë, pavarësisht vendbanimit.

Përmes kartës biometrike përfitohen shërbime online, por edhe mundësia për të udhëtuar në vendet e rajonit me të cilat shteti ynë ka marrëveshje.

Gazetar: Luan Kadija

/rtsh.al/