Ministri për Evropën dhe Punët e Jashtme, Igli Hasani, përmes një postimi në rrjetet sociale, njoftoi nisjen e shpërndarjes së teksteve shkollore për nxënësit shqiptarë në diasporëu.

Zoti Hasani lajmëroi se rreth 5 mijë tekste të unifikuara fizike dhe digjitale të “Gjuha shqipe dhe kultura shqipe” niveli I dhe II, janë dërguar në përfaqësitë diplomatike të Republikës së Shqipërisë, për të mundësuar mësimin e gjuhës shqipe, bazuar në marrëveshjen e nënshkruar mes Shqipërisë dhe Kosovës”.

Ministria për Evropën dhe punët e Jashtme është e angazhuar që shumë shpejt, të përfundojë procesi i unifikimit të teksteve të përbashkëta, për “Gjuha shqipe dhe kultura shqipe” niveli III, theksoi ministri Hasani.

Hasani nënvizoi se, tekstet e tjera plotësuese për mësimin e gjuhës shqipe, mund të lexohen dhe shkarkohen falas në faqen zyrtare: www.qbd.gov.al.

/ rtsh.al /