Delegacioni francez vizitë në bashkinë Korçë, në kuadër të procesit të binjakëzimit

Sociale | 2 vite më parë

Kryetari i bashkisë Korçë Sotiraq Filo, së bashku me stafin e tij ka pritur në një takim zyrtar delegacionin francez të Bashkisë Chambery në Francë, në kuadër të procesit të binjakëzimit mes dy bashkive.

Delegacioni nga Franca kryesohej nga Kryetari i Bashkisë Chembery, z.Thierry Repentin, dhe fokus kishte nxitjen e mëtejshme të bashkëpunimit në fusha të rëndësishme si kultura, edukimi, turizmi dhe bujqësia.

E pranishme në këtë takim ishte edhe Ambasadorja e Republikës së Francës, znj.Catherine Suard.

Gjatë këtij takimi është diskutuar edhe për punën që pritet të nisë së shpejti në lidhje me rihapjen e Liceut francez në Korçë, një kërkesë e Kryeministrit Edi Rama që u mirëprit nga Presidenti Emmanuel Macron, në vizitën e tij historike në vendin tonë.

Gazetare: Eftjola Fili

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.