Ministri i Shtetit për Administratën Publike dhe Antikorrupsionin, Adea Pirdeni, ka reaguar pas lajmeve se nga dita e mërkurë do të shkurtohet orari i punës për punonjësit e administratës publike.

Ministrja sqaron se nuk kemi të bëjmë me reduktim të orarit, por shpërndarje të kohëzgjatjes në punë për t’iu përshtatur nevojave të nëpunësve. Këto rregulla përfshijnë konceptin e orarit ditor fleksibël për çdo punonjës të administratës publike.

Projektvendimi propozon që brenda kohëzgjatjes ditore të punës, të punësuarit të kenë mundësinë të zgjedhin kur do të kryejnë orët e plota të ditës së punës. Fasha e detyrueshme 6-orarëshe kur të gjithë nëpunësit duhet të jenë në vendin e punës do të jetë nga ora 9:30 deri në 15:30 nga e hëna në të enjte dhe 9:30 deri në 13:00 ditën e premte.

Ndërkohë një nëpunës i administratës publike duhet patjetër të plotësojë 8 orë e gjysmë punë ditore. Diferenca 2 orë e gjysme mund të kryhet nga nëpunësit para ose pas fashës së detyrueshme 6-orarëshe, pra para orës 9:30 ose 2 orë e gjysme punë pas orës 15:30.

Propozimi në fjalë parashikon që punonjësi i administratës mund të zgjedhë një orar pune fleksibël duke respektuar gjatë ditëve të javës.

/ rtsh.al /