Trajtimi i fëmijëve me aftësi ndryshe, prindërit më të ndërgjegjësuar për rëndësinë e terapive

Sociale | 2 vite më parë

Qendra e Shërbimeve Komunitare për fëmijët me aftësi të kufizuar ofron shërbimet e saj edhe gjatë muajve të verës.

Sipas psikologes në këtë qendër Fjorentina Kovaci, ka më pak fëmijë këto muaj për arsye të ndryshme. Psikologia thekson faktin se tashmë prindërit janë ndërgjegjësuar për rëndësinë që ka terapia e fëmijëve me aftësi ndryshe.

“Kohët e fundit kemi pasur një rritje të numrit, përgjithësisht të fëmijëve të çrregullimit të spektrit të autizmit apo me vonesë gjuhësore. Në qendër ofrohen terapi logopedike, fizioterapike apo dhe psikologjike. Vihet re që prindërit i sjellin që në fillim dhe kjo është shumë mirë”, tha psikologia.

Në këtë qendër marrin terapi në total 42 fëmijë që u përkasin kategorive të ndryshme siç është spektri i autizmit, sindroma down apo fëmije me çrregullime në komunikim.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.