Ka përfunduar edicioni i pestë i Lezha Talent Show, konkursi i nxënësve të shkollave 9-vjeçare në zhanret e këndimit, aktrimit dhe kërcimit. Një garë që krijoi emocione të forta pas 3 muajsh rrugëtim

Aktiviteti nën organizimin e  Qendrës Kulturore të Fëmijëve “Gjergj Lacaj” në Lezhë synon identifikimin e talenteve të rinj dhe një përfshirje më të madhe të fëmijëve në art.

Për ideatorin dhe regjisorin e këtij spektakli, Olsi Tetaj, shtrirja e tij në çdo shkollë e në çdo fshat e bën atë edhe me të veçantë.

“Me këtë aktivitet ne synojmë të zbulojmë sa më shumë talente të reja”, tha ai.  

Ky aktivitete u vlerësua si mënyra më e mirë për nxitjen e fëmijëve të merren me art dhe promovimi i tyre në mënyrë të vazhdueshme

Juria vlerësoi me çmime të para në këngë Klea Markun, në aktrim Eris Gjonajn, kërcim solo Eni Zefi dhe kërcim në grup vajzat e shkollës 9- vjeçare Besëlidhja, shkollë e cila u nderua edhe me kupë për paraqitjen me numrin më të lartë të pjesëmarrësve.

/rtsh.al/