Kallamet e kanaleve në Myzeqe, kërkohen për eksport në Itali

Sociale | 4 vite më parë

Kanalet e Myzeqesë janë plot me kallama, të cilët grumbullohen nga shumë zona të Lushnjës dhe sillen në këtë pikë. Madje edhe nga Mallakastra e Fierit kanë ardhur për të punuar në Imshtë.

Duke filluar nga 3 metra të gjatë deri në 1 metër, kallamat për eksport kërkohen kryesisht për tu përdorur për bimën e fasules.

Kallamat e kanaleve tona kanë vegjetacion të shumtë, ndaj gjetja e lëndës së parë është me kosto zero. Ky nuk është rasti i vetëm i kërkesës për eksport në shtetin italian, pasi edhe në Fier janë hapur pika të tjera.

Një sipërmarrës nga fshati Imshtë, në Lushnje ka nisur grumbullimin dhe seleksionimin e tyre. Punëtorët janë të gjitha moshave, nga me i riu tek pensionisti. Këta të fundit, kryejnë edhe punën më të rëndë. Për të marrë 2000 lekë në ditë duhet të pastrojnë të paktën 1 mijë kallama.

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.