Vështirësia për të siguruar dru zjarri, Kumbaro nga Korça: Bashkitë të ndihmojnë njëra-tjetrën

Sociale | 4 vite më parë

Bashkitë që kanë më shumë gjendje drusore për ngrohje, duhet t’i vijnë në ndihmë bashkive të tjera që nuk e kanë një gjë të tillë. Kështu është shprehur Ministrja Mirela Kumbaro nga Korça. Ajo theksoi se në planet e Ministrisë është bashkëpunimi me bashkitë për arritjen e plotësimit të nevojave për lëndë drusore.

Nga ana tjetër Kumbaro përjashtoi mundësinë e importimit nga jashtë Shqipërisë, të kësaj nevoje, teksa ka drejtuar gishtin dhe tek bashkitë për keqmenaxhim.

Sipërfaqet pyjore që janë në pronësi të bashkisë Korçë, nuk plotësojnë kërkesat e banorëve për dru zjarri. Sipërfaqet pyjore të cilat mund të shfrytëzohen brenda territorit të bashkisë, plotësohet rreth 10 deri 15% e nevojave të banorëve të qytetit dhe fshatrave. Kjo ka sjellë edhe një çmim më të lartë që shkon deri në 85 mijë lek për metër sterë.

/RTSH/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.