Moti i keq, bashkia Lezhë apel qytetarëve të jenë të kujdesshëm

Sociale | 6 vite më parë

Bashkia e Lezhës i bëri apel qytetarëve të jenë të kujdesshëm, për shkak të motit të keq që do të përfshijë këtë qytet.

“Këto ditë priten reshje të shumta shiu të cilat mund të vështirësojnë aktivitetet tuaja të përditshme, qarkullimin me makina, tokat e mbjella, rrugët e lagjeve, kjo edhe për shkak të punimeve që po kryhen, gjithashtu mund të rrezikojnë ndonjë familje me shtëpi në zona me risk të lartë”, – thekson bashkia.

Sipas bashkisë, i gjithë stafi i cili është përgjegjës për çështjet e emergjencave civile është në gatishmëri të plotë të përballuar situatën.

“Janë siguruar të gjitha mjetet e nevojshme për t’u ardhur në ndihmë sa më shpejt për çdo rast vështirësie që mund të ndodhë”, – bën të ditur bashkia.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.