Premier: Liverpool ngjitet në vendin e katërt

Angli | 6 vite më parë

Është gjithnjë e më elektrizuese gara për Europën në Premier League: Liverpool mundit 3-0 (Firmino, Phillips, Oxlade-Chamberlain) Burnley në transfertë dhe ngjitet në kuotën e 66 pikëve, aq sa Leicester, duke u pozicionuar në vendin e katërt në klasifikim.

Fitorja e Chelsea ndaj Leicester City të martën do të thoshte që Liverpool e dinte para fillimit se një fitore do të ishte e mjaftueshme për të parë veten në katër të parët dhe vizitorët në Turf Moor morën atë që u duhej.

Chris Ëoods kishte mundësinë për ti dhënë epërsinë Burnley, por sulmuesi, i cili kishte shënuar tetë gola në nëntë ndeshjet e tij të mëparshme, goditi në mënyrë të gabuar.

Pas një mundësie të humbur në gjysmë ore lojë, Roberto Firminho arriti të zhbllokojë sfidën në minutën e 43-të, asistim nga ana e Robertson, 1-0. Liverpool i dha vetes një avantazh me dy gola pas tetë minutash në pjesën e dytë, ndërsa Nat Phillips goditi saktësisht me kokë, pas një krosimi të Sadio Mane.

Burnley u përpoq të gjente një rrugëdalje në këtë sfidë, por Alex Oxlade-Chamberlain, i ardhur nga pankina, mbylli të gjitha llogaritë me një gol të tretë, ndërsa Liverpool kaloi në 66 pikë, përpara Leicester City.

 


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme