Sfida e javës së 21-të të Premier League, ajo mes Brighton dhe Tottenham, është mbyllur me fitoren minimale të vendasve, 1-0. Gjithçka është vendosur në minutën e 17-të, teksa Trossard ka konkretizuar një aksion, me assist të  Gross.

Më të qartë vendasit e drejtuar nga Potter, racional në lojë dhe me aksione të rrjedhshme, duke u shpërblyer me tri pikë. Një moment i errët për të besuarit e trajnerit Mourinho, që ndjejnë dhe mungesën e lojtarit të tyre më të mirë, Harry Kane.

Kjo është humbja e dytë radhazi për Spurs: pas disfatës 1-3 në shtëpi përballë Liverpool, vjen dhe goditja në transfertë, përballë një kundërshtari që lufton për tu larguar nga zona e ftohtë në tabelën e klasifikimit.

Tashmë Mourinho e shikon veten në vendin e gjashtë në klasifikim, në kuotën e 33 pikëve, me pikë të barabarta me Chelsea e Everton, që i qëndrojnë ngjitur.