Manchester United eliminon Liverpool nga FA Cup

Angli | 6 vite më parë

Manchester United kaloi në raundin e pestë të FA Cup me një fitore dramatike, 3-2 ndaj Liverpool në Old Trafford.

“Reds” kaluan të parët në epërsi në një pjesë të parë argëtuese, kur Roberto Firmino asistoi për Mohamed Salah, i cili goditi topin në mënyrë klasike mbi Dean Henderson. United arriti të barazojë brenda 10 minutash, kur Greenwood dërgoi topin në këndin e poshtëm, 1-1.

Në pjesën e dytë, Rashford e vendosi United përsëri në avantazh, por që zgjati vetëm dhjetë minuta, pasi Salah riktheu barazpeshën. Kur kishin mbetur dhe 12 minuta lojë, zëvendësuesi Bruno Fernandes vendosi fatin e ndeshjes me një goditje dënimi të ekzekutuar në mënyrë të shkëlqyer. Manchester United do të vazhdojë më tej në FA Cup, ndërsa Liverpool ndalet këtu.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.