Tirana, leksion Vllaznisë në Shkodër

Basketboll | 5 vite më parë

Vllaznia-Tirana 72-90. Ky është rezultati përfundimtar i ndeshjes në basketboll për meshkuj, luajtur mbrëmjen e së mërkurën në pallatin e sportit “Qazim Dervishi” për llogari të javës së gjashtë të Superligës. Vllaznia e trajnerit malazez, Nikola Milatoviç ka zhvilluar një nga ndeshjet më të dobëta të saj duke u mundur me rezultat të thellë nga bardheblutë e Tiranës, kjo me një diferencë prej 18 pikësh.

Tirana arriti të fitojë tre periodat e para 16-19, 14-27, 13-20 duke e thelluar avantazhin deri në 20 pikë diferencë. Falë edhe një lëshimi të lojës nga miqtë në periodën e katërt, Vllaznia arriti ta ngushtojë diferencën e pikëve, por pa e shmangur humbjen, që ishte në rezultatin 72-90.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.