Flamurtari-Duga Sabac, finalja e turneut

Basketboll | 5 vite më parë

Flamurtari – ZKK Duga Sabac e Serbisë. Kjo do të jetë finalja e turneut ndërkombëtar në basketboll për femra, e cila ka nisur të shtunën në Vlorë dhe përfundon të dielën. Janë katër skuadra pjesëmarrëse, atje ku përveç Flamurtarit marrin pjesë dhe sllovenët e Jezicës, boshnjaket e Jedinstvo dhe serbet e Duga Sabac. Duga Sabac ka mundur në gjysmëfinale Jezica të Sllovenisë, 81-48.

Kurse Flamurtari ka mundur lehtësisht Jedinstvo të Bosnje-Hercegovinës me rezultatin e thellë 100-50. Finalja e këtij turneut, që ka jo vetëm organizimin e Bashkisë së Vlorës, por dhe të Federatës Shqiptare të Basketbollit, do të luhet të dielën pasdite. Kjo do të jetë edhe si një provë për Flamurtarin, që sezonin e ri do ta nisë me Kupën e Federatës Shqiptare të Basketbollit javën e ardhshme.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.