Basketboll Meshkuj/Teuta rrëmben Kupën

Basketboll | 6 vite më parë

Teuta për meshkuj është shpallur të enjten fituese e Kupës së Shqipërisë në basketboll, finale që u transmetua drejtpërdrejt nga Rrjeti i Radio-Televizionit Shqiptar, në kanalin RTSH Sport.

Ishte një derbi i Durrësit finalja e Kupës së Shqipërisë në basketboll, pasi Goga Basket dhe Teuta janë përballur në duelin për trofeun e parë të sezonit. Në takimin, që sikundër të gjitha përballjet e 4-shes finale të Kupës së Shqipërisë, u luajt në Arenën Sportive “Dhimitraq Goga” në Durrës, Teuta e ka nisur më mirë, duke e fituar 10-minutëshin e parë 23-11.

Ndonëse Goga Basket është kundërpërgjigjur, duke e fituar 10-minutëshin e dytë 23-16, është Teuta që shkon në pushimin e madh midis dy gjysmave duke kryesuar 39-34. 10-minutëshi i 3-të është mbyllur në barazim 24-24, por Teuta e mbron epërsinë, duke e fituar 10-minutëshin e 4-t dhe të fundit 27-26 dhe gjithë ndeshjen me rezultatin 90-84 dhe bashkë me të edhe trofeun e Kupës së Shqipërisë në basketboll për meshkuj.


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme