Anglia, Southgate konfirmohet deri në Euro 2024

Uncategorized | 4 vite më parë

Anglia ecën përpara në vazhdimësi. Edhe pse kombëtarja u eliminua në çerekfinalet e Botërorit, trajneri Gareth Southgate u konfirmua deri në Europianin e vitit 2024. Këtë e bëri të ditur Federata Britanike, një javë pas disfatës 1-2 të pësuar nga Franca e Deschamps.

Ka qenë vetë Southgate, në fund të ndeshjes ndaj kampionëve në fuqi të botës, i cili ka shprehur dyshimet: “Na duhet kohë që të gjithë të marrin vendimet e duhura”. Kohë që padyshim ka skaduar dhe Federata ka rinovuar besimin tek ish-futbollisti.

Presidenti i Federatës, Mark Bullingham, ka bërë të ditur se kontrata është e vlefshme deri në dhjetor të vitit 2024. Është konfirmuar edhe zëvendësi i tij, Steve Holland. Ndeshjet kualifikuese për Euro 2024, për Anglinë, do të nisin më 23 mars në Itali. Në grup janë edhe Ukraina, Maqedonia e Veriut dhe Malta.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.