Një kampion kundër një kampioni tjetër. Boksieri meksikan Canelo Alvarez ka sulmuar Lionel Messin në fund të ndeshjes mes Argjentinës dhe Meksikës të Kupës së Botës në Katar, të fituar 2-0 nga Albiceleste. Madje, në rrjetet sociale ka qarkulluar një video e festës së Leos dhe shokëve të tij në dhomat e zhveshjes, ku shihet një bluzë e Meksikës e shtrirë në dysheme, e përfunduar nën këpucët e ‘Pulce’.

“A e panë ata Messin duke pastruar dyshemenë me fanellën dhe flamurin tonë? LuteMi Zotit që të mos e takoj atë – deklarata e Canelo në Tëitter – Ashtu si unë respektoj Argjentinën, edhe ju duhet të respektoni Meksikën! Unë nuk po flas për Argjentinën si shteti, po flas për Messin. Që nga momenti që fanella e Meksikës është në tokë, është një fyerje”.

Reagimi i boksierit ngjalli një valë komentesh në rrjetet sociale, duke përfshirë edhe atë të ‘Kun’ Agueros, shpeshherë bashkëlojtar i Messit në kombëtare. “Mos kërkoni justifikime apo probleme, nuk dini se çfarë ndodh në një fushë futbolli dhe në dhomat e zhveshjes – u përgjigj ai në një postim në Tëitter – Bluzat janë gjithmonë në dysheme pas ndeshjes. Pastaj, nëse shikoni nga afër, ai bën një lëvizje për të hequr fanellën dhe e godet aksidentalisht”.