Andriy Shevchenko shuan 46 qirinj. Sulmuesi ukrainas, një legjendë e vërtetë e kuqezinjve, i ka kushtuar këtë ditë të veçantë vendit të tij dhe përmes një postimi në Instagram të shoqëruar me flamurin verdheblu, ka shkruar: “Gjithçka që kërkoj për ditëlindjen time është Paqja”. Një dëshirë e thellë, e përzemërt, e aftë për të lëvizur jo vetëm rrjetin, por gjithë botën e futbollit”.

Nuk është hera e parë që ish-sulmuesi i Milanit, por edhe trajneri të Ukrainës nga viti 2016 deri në vitin 2021, nis apele dhe kërkesa për paqe. Një tjetër moment plot emocion ishte ai i marsit të kaluar në San Siro, kur gjatë ndeshjes së parë gjysmëfinale të Kupës së Italisë mes Milanit dhe Interit, me një mesazh në ekranin e madh, Shevchenko tha: “Të dashur miq italianë, ju kërkoj mbështetjen tuaj për paqen në Ukrainë. Populli ukrainas dëshiron paqe. Sepse paqja nuk ka kufij. Sepse ajo që na bashkon duhet të jetë më e fortë se ajo që na ndan. Le ta ndalojmë këtë luftë së bashku. Një përqafim për të gjithë”.