“Kur shikoj në pasqyrë, shoh ato pika të vogla në fytyrën time dhe gjithmonë them se data ime po afron, shumë shpejt”. Këto janë fjalët e Mike Tyson që po bëjnë xhiron e botës. Ish-kampioni 56-vjeçar i peshave të rënda i tha këto fjalë në podkastin e tij “Hotboxin with Mike Tyson”, duke iu drejtuar mikpritësit të episodit, Dr. Sean McFarland, një terapist i specializuar në problemet e varësisë dhe traumës. Iron Mike është i bindur se koha e tij po mbaron, megjithëse më vonë shtoi: “Ne të gjithë do të vdesim një ditë, sigurisht”.

Tyson foli gjerësisht edhe për paratë dhe efektet anësore të të qenit multimilioner: “Kur ke shumë para, nuk mund të presësh që dikush të të dojë vërtet. Ti mendon se je i pamposhtur kur ke shumë para, por kjo nuk është e vërtetë”. Dhe pastaj përsëri një mendim i errët: “Paraja nuk na bën imun ndaj një sëmundjeje apo aksidenti. Paratë nuk të mbrojnë dot nga kjo. A mund të të mbrojë paraja kur hidhesh nga ura?”, përfundoi duke lënë fansat e tij dhe jo vetëm të shqetësuar.