Sporti i shahut tashmë është kthyer në traditë në Sarandë. Jo vetëm me krijimin dhe pjesëmarrjen e Butrintit në aktivitetet kombëtare e ndërkombëtare, por mbi të gjitha me dëshirën e kujtdo për të luajtur sportin e katrorëve bardhezi. Një traditë e përvitshme në Sarandë është bërë dhe kampionati lokal, që këtë vit ka hyrë në edicionin e tij të 21-të. Ky kampionat, që u organizua nën kujdesin e Bashkisë dhe të klubit shumësportësh Butrinti, u zhvillua 17-21 shkurt.

22 shahistë pjesëmarrës të ndarë në tre kategori fëmijë, të rinj dhe të rritur. Dhe e hëna e 21 shkurtit ka shënuar dhe mbylljen e aktivitetit, atje ku kampion lokal u shpall Erald Mihasi.

Në ceremoninë e dorëzimit të trofeut përshëndetën dhe shefi i klubit shumësportësh Butrinti, Fuat Karali, trajneri i Butrintit, Lime Mihasi, si dhe kryetari i Bashkisë Sarandë, Adrian Gurma.