Numëron 25 mln dollarë në llogari, gjimnastja e artë lë në mizerje

Sporte të tjera | 2 vite më parë

Gjimnastja e njohur amerikane Simone Biles ka një histori të trishtë mbi supe. Rekordmenia e SHBA në gjimnastikë u braktis nga nëna biologjike në moshën 6-vjeçare dhe tani jeton me gjyshin e saj, i cili së bashku me partneren e tij e birësuan.

Sot nënë biologjike i ka bërë apel që ta falë dhe të rikthehen së bashku, por duket se apeli ka rënë në vesh të shurdhër. Shanon Biles ka treguar për tabloidët anglezë se vazhdon të jetojë në një nga lagjet më të varfra të Ohajos. “Sigurisht që dua që të bashkohem me vajzën time, por ajo nuk ka bërë asgjë që të rikthehemi bashkë. I kam kërkuar disa herë ndihmë”, tha 52-vjeçarja.

Sipas “Daily Mail” Simone Biles ka një pasuri rreth 25 milionë dollarë, ndërsa nëna e saj biologjike punon në një supermarket të Franklintonit në Kolumbus.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.