Bayern e nis me këmbën e mbarë, Wolfsburg përkulet me vështirësi

Gjermani | 2 vite më parë

Bayern i Kompany nis “gjuetinë” për titullin nga Volfsburgu, ku mundi jo pa vështirësi ekipin e Ralpf Hasenhuttel.

Takimi ishte një duel me dy “fytyra” pasi në 45’ e para dominoi ekipi mik. Golin e parë sezonal në Bundes për ekipin bavarez e shënoi Musiala, i cili shndërroi në gol një pasim të artë të Sacha Boey.

Në pjesën e parë Bayern pretendoi edhe për një penallti por arbitri nuk u thirr nga dhoma e “VAR” pas një prekje të topit me dortë të një lojtari të ekipit vendas.

Fraksioni i dytë nisi me Bayern-in nën shok pasi Majer shënoi dy herë për vendasit. Cilësia e të besuarve të Kompany bëri që shifrat të ndryshonin përsëri. Kaminski dërgoi topin në portën e tij pas një goditje të Kane ndërsa golin e tretë dhe të fitores për Bayern e shënoi Gnabry në të 82’.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.