Leipzig mposht Shtutgartin, -1 nga Bayern

Gjermani | 4 vite më parë

Në kuadër të javës së 18-të të Bundesligës, një sukses shumë me peshë për Leipzig, i cili konfirmon trendin pozitiv të këtij fillimi të vitit 2023 duke mposhtur 2-1 Stuttgartin dhe duke u ngjitur në kuotën e 35 pikëve, një pikë pas liderit Bayern. Ndeshja u vendos nga dopieta e talentit Szoboszlai(25’ dhe 49’), ndërsa Fuhrich shkurtoi distancën për miqtë me një penallti në minutën e 68-të.

Nga ana e tyre, bavarezët do të presin në shtëpi të shtunën Eintracht Frankfurt. Bayern në dy ndeshjet e fundit ka barazuar me të njëjtin rezultat, 1-1. Ndërkohë, Frankfurt që ndodhet në vendin e katërt në kuotën e 31 pikëve, në dy ndeshjet e fundit ka marrë një fitore dhe një barazim(Frankfurt-Schalke 3-0 dhe Freiburg-Frankfurt 1-1).

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.