Bayern fiton dhe rikthehet përkohësisht në krye të tabelës. Në Olympiastadion, Nagelsmann mund 3-2 Hertha Berlin në një ndeshje që nis veçanërisht në pjesën e parë: në 12′ Musiala del i lirë dhe shënon me një goditje të bukur me të djathtën. Dyfishimi vjen në minutën e 37-të me Choupo-Moting, që u gjend në vendin e duhur në kohën e duhur dhe duke përfituar dhe duke e dërguar topin në rrjetë. Nuk kalon asnjë minutë kur i njëjti sulmues gjen sërish golin: 3-0 Bayern.

Një ndeshje që gjallërohet në pesë minutat e fundit të lojës në pjesën e parë: Hertha shkurton fillimisht  me Lukebakio dhe më pas me një penallti nga Selke. Në pjesën e dytë, kampionët e Gjermanisë e nisën fuqishëm dhe gjetën golin e katërt me autogolin e Rogel në minutën e 57-të, por arbitri anuloi gjithçka për shkak të një pozicioni jashtë loje të skuadrës së Nagelsmann. Bayerni në kuotën e 28 pikëve dhe në pritje të Unionit të Berlinit po shijon majën e kampionatit.

Triumf për Borussia Dortmund, që gjen fitoren e tretë radhazi. Këtë herë për të rënë nën goditjet e verdhezinjve është Bochum, rezultati përfundimtar thotë 3-0 për vendasit. 1-0 mbërrin pas vetëm 8 minutash: Moukoko godet nga distanca. Verdhezinjtë shtyjnë dhe në 12′ dyfishojnë me penallti me Reyna. Në të 27′ miqtë gjetën golin me Hofmann, por pas një kontrolli në VAR u anulua për pozicion jashtë loje.

Këtu loja duket se ndryshon sërish në minutën e 42-të: një penallti është sinjalizuar në favor të vendasve, por arbitri e anulon pas një konsultimi me VAR-in. Në kohën e rikuperimit, vjen treshja e verdhezinjve: Moukoko shënon, 3-0. Në pjesën e dytë Osei-Tutu prek portën e Bochum-it, por Kobel shtrihet dhe i mohon golin. Verdhezinjtë shtyjnë dhe me Moukoko angazhon portierin mysafir. Në bilbilin e fundit Dortmundi gëzohet dhe ngjitet në vendin e tretë me 25 pikë.