Kategoria e Parë, Vora dhe Burreli konfirmojnë momentin e artë

Futboll Vendi | 2 vite më parë

Sapo kanë përfunduar tre ndeshje të vlefshme për javën e 16-të të Kategorisë së Parë. Vora nuk gabon në shtëpi, mposht 3-0 Korabin dhe ruan e vetme kreun e renditjes, në pritje të rezultateve të skuadrave rivale, që do të luajnë ndeshjet respektive ditën e martë.

Burreli konfirmon momentin e mirë që po kalon, mposht 3-1 Kastriotin në shtëpi dhe konsolidon pozitat në vendin e katërt në renditje.

Valbona flirton me fitoren në “Kukës Arena”, por një gol i Danajt në minutat shtesë për vendasit u mohon tropojanëve një trepikësh të çmuar në transfertë. Mbyllet 1-1 sfida Kukësi-Valbona.

Kujtojmë që ndeshja Erzeni-Pogradeci, e programuar për sot, është shtyrë për të mërkurën për shkak të kushteve të këqija atmosferike.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.