Prishtina zyrtarizon afrimin e Sidrit Gurit

Kosova | 3 vite më parë

Tashmë është zyrtare: Sidrit Guri është lojtari më i ri i Prishtinës. Klubi kosovar ka zyrtarizuar afrimin e sulmuesit të njohur. “Sulmuesi, realizues shumë golash, 30 vjeç, i lindur në Shkodër, i bashkohet klubit më të madh në vend, FC Prishtina”, shkruhet në njoftimin e klubit.

Guri ka një karrierë të pasur, pasi në të shkuarën krahas Kukësit (ku ka fituar titullin kampion në sezonin 2016-2017) ka veshur fanellat e Vllaznisë, Korabit, Besës dhe Kastriotit në Shqipëri.

30-veçari luaji për disa edicione me Oostenden në Belgjikë, para se të bashkohej me Istanbulsporin në Turqi. Së fundmi, Guri ishte pjesë e skuadrës Citta di Varese në Serie D, Itali.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.