Villalibre dhe dëbimi i Messi-t: Ai u ndje i pafuqishëm,por…

Spanjë | 6 vite më parë

Bilbao fitoi Superkupën e Spanjës duke mundur në finale Barcelonën e Koeman. Skuadra baske fitoi trofeun për herë të tretë në kohën shtesë. Protagonist i madh i ditës, Villalibre, autor i golit të 2-2 në të nëntëdhjetën (ndeshja përfundoi 2-3 në kohën shtesë) dhe i përfshirë në aksionin që çoi në dëbimin e Leo Messi.

Sulmuesi kuqezi komentoi për AS: “Unë e vura trupin tim përpara për të mbrojtur topin, ai u nervozua dhe më goditi në fytyrë. Ai u ndje i pafuqishëm. Mund të ndodhë të jetë nervoz në një situatë si kjo. dhe humb mendjen”.

Sulmuesi i Bilbaos tha se nuk dëshironte të vazhdonte polemikat me Messin: “Ishte një finale me shumë faulle, madje edhe nga ana jonë. E kuptoj zhgënjimin, ishte sjellje e dhunshme por asgjë nuk ndodhi. Nuk dua të krijoj asnjë polemikë”.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.