Zyrtare: Djokovic do të mungojë në ATP Finals

Sporte të tjera | 2 vite më parë

Novak Djokovic nuk do të luajë në finalet e ATP-së. Kampioni në fuqi njoftoi tërheqjen nga turneu prestigjioz i tenisit përmes një “story” në Instagram:

“Është një nder i madh të kualifikohesh në finalen e ATP-së në Torino. Mezi prisja të isha atje, por për shkak të një dëmtimi që vazhdon, u dorëzova. Nuk do të mund të luaj javën tjetër, u uroj të gjithë lojtarëve një turne të mrekullueshëm”, shkruan serbi.

Djokovic ishte i gjashti në garë, një hap larg kualifikimit matematikor për turneun të cilin e ka fituar shtatë herë në karrierën e tij.

Prania e Djokovic në Torino ishte në dyshim ditët e fundit, pasi serbi ishte tërhequr nga Masters 1000 në Paris-Bercy pas finales në Shangai dhe Six Kings Slam.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.