Kupa e Shqipërisë, ja finalistët

Sporte të tjera | 4 vite më parë

Tirana – Erzeni është finalja e Kupës së Shqipërisë në volejboll për meshkuj, teksa të mërkurën pasdite janë luajtur ndeshjet e kthimit të raundit gjysmëfinal. Tirana ka mundur me vështirësi Partizanin, 3-2, ndërsa të kuqtë e Ylli Tomorrit janë përpjekur të përmbysin situatat pas humbjes në ndeshjen e parë 1-3. Seti i parë është për Partizanin, 20-25. Kundërpërgjigjet Tirana, teksa fiton të dytin 25-23. Reagon përsëri Partizani, që triumfon në setin e tretë 23-25. Mirëpo bardheblutë nuk lëshojnë më. Marrin setin e katërt 25-22 dhe në finale 15-11 dhe krejt ndeshjen, pas rreth 2 orë e gjysëm, 3-2. Më e shpejtë dhe më e lehtë fitorja e Erzenit ndaj Vllaznisë, 3-0. Për femrat finalja e Kupës së Shqipërisë do të jetë Skënderbeu – Partizani.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.