Sullivan, jeta e një amerikani në Durrës

Sporte të tjera | 4 vite më parë

Teuta me petkun e fitueses së Kupës së Shqipërisë vijon përgatitjet për Kampionatin. Amerikani Everi Sulivan tregon atmosferën që është në skuadër dhe se si ndihet ai tek durrsakët e drejtuar nga Melzin Lazimi.

“Më pëlqen shumë skuadra. Kam qenë këtu që në ditën e parë dhe jemi gati për të luajtur basketbollin më të mirë”, ka thënë Sullivan.

Tanimë vëmendja do të jetë e tëra tek kampionati shqiptar, aty ku Teuta kërkon të mbrojë titullin kampion.

“Kemi objektiv kampionatin dhe të jemi sa më mirë”, bën të ditur amerikani i Teutës.

Por çfarë i pëlqen më tepër Sulivanit në Durrës? Amerikani thotë:

“Më pëlqen shumë qyteti i Durrësit dhe atmosfera që është në skuadër”, përfundon Sullivan.

Në këtë mënyrë, fitorja e Kupës së Shqipërisë i ka dhënë më tepër besim Teutës për të ecur përpara me trofetë e tjerë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.