Shqipëria mundet nga Rumania, eliminohet nga Liga e Argjendtë

Sporte të tjera | 4 vite më parë

Kombëtarja e Shqipërisë në volejboll për meshkuj është mundur 3-0 nga Rumania, në ndeshjen e fundit në Grupin B, Liga e Argjendtë. Në Galati të Rumanisë gjithçka ka folur për vendasit(25-18, 25-19, 25-22) të cilët kanë arritur të sigurojnë dhe vendin e parë në grup.

Një humbje që ka ndikuar tek kuqezinjtë, të cilët janë eliminuar nga gara, duke zbritur në vendin e tretë në klasifikim. Në vendin e dytë është ngjitur Maqedonia e Veriut, e cila fitoi 3-0 ndaj Bosnjes dhe me një setavarazh më të mirë ka siguruar kualifikimin për në ‘final four’.

Shqipëria e mbylli me 10 pikë, po aq sa Maqedonia e Veriut, por setavarazhi 12-11 për kuqezinjtë dhe 13-10 për maqëdonasit kualifikoi këta të fundit.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.