Menida Meta dhe Erigers Kapllanaj. Këta janë dy medalistët e Shqipërisë në taekuondo Ëorld, kjo në Kupën e Presidentit G2, që është duke u zhvilluar në plazhin buzë Adriatikut që nga e enjtja e 17 shkurtit. Menida Meda është shpallur medaliste e bronztë në peshën deri në 33 kilogram, atje ku e arta ka shkuar për kroaten Petra Uglei, kurse e argjendta për rusen Ilaka Ismailova, ndërsa e bronztë ishte dhe hungarezja Salim Kalim.

Po për kadetë, medalja e dytë e bronztë për Shqipërinë ka ardhur në peshën 65 kilogram për meshkuj, teksa Erigers Kapllanaj ka zënë vendin e tretë. E arta ka shkuar për rusin Ivan Zhalybin, e argjendta për grekun Loanis Antoniadis dhe e bronzta tjetër për gjermanina Brukbauer. Në përgjithësi, gjithnjë në kategorinë e kadetëve, ka dominuar Rusia me tre medalje të arta, ndërsa vende të para kanë marrë edhe Irlanda, Spanja e përsëri Kroacia.

Gjithsesi dhjetë ditë turne, që ul siparin të dielën, ndërsa sportistët shqiptarë e patën ndjesinë e medaljes dhe të të ngjiturit në podium kaq të rëndësishëm si ky i Kupës së Presidentit G2.