Tirana-Drita Gjilan, dueli mes motrave Prenga

Sporte të tjera | 5 vite më parë

Tirana në volejboll për femra e ka bërë mirë detyrën e vet, teksa në “Farie Hoti”, në atë transmetim direkt në rrjetin e Radio Televizionit Shqiptar, ka mundur 3-1 Dritën e Gjilanit në gjysmëfinalen e Ligës “Gjergj Kastrioti”. Tirana duket sikur e ka nën kontroll ndeshjen, teksa ka fituar dy sete radhazi 25-16 dhe 25-23.

Mirëpo reagon Drita, e cila rihap ndeshjen, ndërsa ka marrë setin e tretë 25-22. Në të katërtin, Tirana del fituese vetëm në pikët shtesë 26-24 dhe fiton krejt takimin 3-1. Një ndeshje që ka qenë edhe një duel mes motrave Prenga, Amarilda trajnere dhe Adelajde lojtare e Dritës së Gjilanit.

Sakaq Tirana ka fituar në volejboll për meshkuj ndaj Pejës, 3-1, kurse Skënderbeu për femra ka patur një duel të vështirë me ekipin e Ferizajt. Liga “Gjergj Kastrioti” ka sjellë emocione të mëdha.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.