Mundja shqiptare, përsëri e artë në Bullgari

Sporte të tjera | 5 vite më parë

Mundja shqiptare ka marrë një tjetër medalje të artë në turneun “Dan Kolov” në Bullgari, teksa i artë në peshën 65 kilogram në stilin e lirë ishte Islam Dudaev. Dudaev ka mundur fillimisht rusin Antonov. Më pas amerikanin Lugo për të vazhduar në raundin gjysmëfinal me moldavin Buniki dhe në finale me indianin Anuj.

Katër fitore dhe medalja e dytë edhe për Dudaev, teksa më parë në një tjetër aktivitet ndërkombëtar në Rusi ishte i bronztë. Dy medaljet e arta në turneun “Dan Kolov” nga Abakarov dhe Dudaev janë një shpresë e mirë se të tillë do të jenë edhe në Kampionatin Europian, që zhvillohet në mars në Hungari. Kuptohet për të kthyer kohët e arta të sportit të tapetit në vend.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.