Povetkin del nga spitali, mësohet data e ndeshjes me Whyte

Sporte të tjera | 6 vite më parë

Boksieri rus Alexander Povetkin ka dalë nga spitali pas infektimit me Covid-19.

Infektim që solli anulimin e revanshit mes tij dhe britanikut Dillian Whyte, sfidë e parashikuar të zhvillohej në fund të këtij muaji në Londër.

Gjithsesi, dy boksierët kanë rënë dakord që revanshi i vlefshëm për titullin e përkohshëm në kategorinë WBC të zhvillohet më 30 janar, sërish në Britaninë e Madhe. Dy boksierët dueluan më herët këtë vit, më 22 gusht, me Povetkin që fitoi me “KO” në raundin e pestë.

Povetkin (36 fitore, 2 humbje e 1 barazim) do të qëndrojë deri në fund të këtij muaji në shtëpi, në një karantinë të dytë pas infektimit dhe pritet që të nisë në dhjetor përgatitjet për duelin e 30 janarit ndaj Whyte (27 fitore, 2 humbje).

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.