Çmendet Giannis, godet me kokë rivalin dhe përjashtohet

Basketbollisti i Milwaukee Bucks, Giannis Antetokounmpo, realizoi 12 pikë e 9 rebound në takimin e fituar 126-113 ndaj Washington, por ai luajti vetëm në periodën e parë të ndeshjes. MVP-ja i sezonit të kaluar u përjashtua nga loja në periodën e dytë, pas një gjesti antisportiv.
Në minutat e para të periodës së dytë, Giannis godet me kokë rivalin e tij të Wizards, Mo Wagner, në një moment kur loja kishte ndalur. Giannis shkaktoi faull në sulm pak sekonda para se të godiste rivalin me kokë, një gjest që u konsiderua si antisportiv nga gjyqtarët, që e përjashtuan.
Giannis Antetokounmpo u duk nervoz pas faullit në sulm që i dhanë gjyqtarët dhe reagoi në mënyrë të gabuar. Kjo është hera e katërt në karrierën e basketbollistit grek që ai largohet nga fusha me teknike përjashtimi, e treta në sezonin e rregullt. Bucks ka rekordin më të mirë sezonal në NBA.
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




