Sezoni i ardhshëm i NBA nis në janar, Amerika në Olimpiadë pa

Drejtuesit e NBA-së kanë nisur të mendojnë për një datë zyrtare për të nisur sezonin e ardhshëm 2020-2021. Fillimisht ishte menduar 25 dhjetori, pra dita e Krishtlindjeve, por duket se kjo ditë nuk është e përshtatshme.
Sipas mediave amerikane, sezoni i ardhshëm mund të nisë më 18 janar, që përkon me ditën e Martin Luther King. Gjithsesi, NBA ka një objektiv të qartë: Çdo ekip të zhvillojë sa më shumë ndeshje, nga 82 të sezonit të rregullt, me tifozë.
Një tjetër ide është që sezoni të nisë në mars, kur mendohet që pandemia e Covid-19 të jetë larguar përfundimisht. Në çdo rast, NBA duhet të përballet me problemin e pjesëmarrjes në Lojërat Olimpike “Tokio 2020”, të shtyra për verën e ardhshme.
Për të evituar përplasjet me pronarët e skuadrave, pritet që në Olimpiadë kombëtarja amerikane e basketbollit te jetë e mbushur me basketbollistë të rinj, kryesisht nga kolegjet, me emra pak të njohur. Pra, nuk do të kemi një “dream team”.
Në rast se pandemia do të jetë ende e përhapur, atëherë mendohet që ndeshjet të luhen me sistem grumbullimi në Orlando, Las Vegas apo vende të tjera. Ndërsa ekipi kanadez i Toronto mund t’i luajë ndeshjet në fushë asnjanëse.
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




