Ish-tenisti: Në 2007-ën doja ta “vrisja” Nadal kur u tërhoq nga

Ish-tenisti argjentinas Juan Monaco, në një intervistë për ATP-në, ka folur për miqësinë e fortë që ka me Rafael Nadal, një miqësi që është forcuar me kalimin e viteve. Tenisti amerikano-latin ka folur për takimet e para me Nadal, që nisën pas ndeshjes së parë që ata zhvilluan në vitin 2005.
“Luajtëm për herë të parë në turneun e Bastad, në Suedi, ku më mundi me shumë lehtësi 2-0 (6-1, 6-1). Pasi përfunduam atë turne, ikëm së bashku në Spanjë, në shtëpinë e tij. Qëndruam aty një javë. Që në atë moshë (19 vjeç) ishte i jashtëzakonshëmm, i destinuar të bëhej i madh dhe e kisha shumë mik”, tha Juan Monaco.
Monaco e ka mposhtur vetëm një herë Nadal në karrierën e tij, në vitin 2007 në turneun e Sinsinati, ndeshje të cilën spanjolli nuk e përfundoi, pasi u tërhoq i dëmtuar në fundin e saj.
“Isha i inatosur me Rafael, pasi nuk donte ta mbyllte atë ndeshje, kur po fitoja 7-6, 4-1. Doja ta vrisja. Isha i lumtur për fitoren, por nuk do t’i kishte kushtuar asgjë po të luante edhe disa minuta më shumë dhe ta merrja një fitore të vërtetë, jo me tërheqje të tij”, kujton Monaco.
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




