Mashtroi WADA me foto-montazh, rekordmeni i botës pezullohet

Sporte të tjera | 6 vite më parë

Atleti kenian Wilson Kipsang Kiprotich, ish-rekordmen i botës në garën e maratonës, është pezulluar për 4 vjet nga të gjitha eventet sportive, pasi ka shkeluar rregullat antidoping. Ai ka mashtruar WADA-n me një foto-montazh.

Kipsang, fitues edhe i 2 edicioneve të maratonës së Londrës, ka paraqitur një foto mashtruese sikur kishte pësuar aksident në trafik, për të justifikuar mospraninë e tij gjatë një tensti antidoping. Përmes kësaj foto ai përpiqej të justifikonte mungesën e tij në shtëpi gjatë një testi.

Keniani, në fakt, nuk është paraqitur në 4 teste brenda një viti dhe ky mashtrim i vuri vulën karrierës së tij. Atleti 38-vjeçar, ishte pezulluar nga garat më herët këtë vit, deri në sqarimin e ngjarjeve, por tashmë WADA ka marrë vendimin për ta përjashtuar për 4 vite.

Kipsang është edhe fitues i medaljes së bronztë në Olimpiadën “Londër 2012” në disiplinën e maratonës. Dënimi nis nga data 10 janar 2020, kur dhe u pezullua nga garat. Ai vendosi rekord botëror në maratonë në garën e Berlinit në vitin 2013 (koha, 2h03’23”).


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme