Mungoi në 3 teste antidoping, pezullohet pa afat kampioni i botës

Atleti amerikan Christian Coleman, kampion bote në garën e 100 metrave, është pezulluar pa afat, pasi nuk është paraqitur në 3 teste antidoping gjatë një viti (2019).
“Nuk kam përdorur kurrë substanca të ndaluara në karrierën time”, tha 24-vjeçari Coleman për mediat pas vendimit për ta pezulluar.
“Nuk kam asgjë për të fshehur dhe do ta provoj pafajësinë time edhe pse nuk kam patur mundësi që ta bëj atë”, tha më tej atleti amerikan, kampion bote në botërorin e zhvilluar në Doha vitin e kaluar me kohën 9”76.
Sipas American Integrity Unit, atleti nuk ka qenë në adresën e dhënë në 3 raste gjatë vitit 2019: më 16 janar, 26 prill dhe 9 dhjetor. Sipas atletit, herën e fundit ai ndodhej në dyqan për të blerë disa dhuratë për Krishtlindje.
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




