Tenisi rinis në gusht pas 5 muajsh, ja kalendari i miratuar

Sporte të tjera | 6 vite më parë

Pas një pushimi 5-mujor, të detyruar për shkak të Covid-19, tenisi do të rikthehet në muajin gusht. Deri më 31 korrik të gjitha eventet zyrtare janë të pezulluara, por tashmë është çelur “drita jeshile”.

Të parat që do të zbresin në fushë janë femrat, që më 3 gusht do të luajnë në turneun e Palermos. Ndërsa për meshkujt, turneu i parë zyrtar është ai që zhvillohet në Washington, më 14 gusht.

Ndër eventet e tjera të rëndësishme të miratuara janë turneu Masters i Sinsinatit, që do të zhvillohet më 22 gusht, grand slam i US Open (31 gusht) dhe më pas dy turnetë e tjerë Masters: Ai i Madridit më 13 shtator dhe i Romës më 20 shtator.

Është konfirmuar gjithashtu që më 27 shtator do të nisë edhe grand slam i Roland Garros, në Paris. Për momentin janë konfirmuar vetëm datat dhe fakti që këto turne do të zhvillohen pa tifozë, duke zbatuar protokollet e sigurisë.


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme