Ikona e tenisit pesimist: Ka ditë që nuk kam dëshirë të stërvitem

Sporte të tjera | 6 vite më parë

Tenisti spanjoll Rafael Nadal është ende i paqartë për të ardhmen e këtij sporti por edhe të karrierës së tij. Ai nuk di se çfarë do të ndodhë me sezonin e ndërprerë prej 3 muajsh për shkak të koronavirus.

“Kam disa javë që po stërvitem, por në mënyrë të qetë, pa u sforcuar. Në këtë situatë e rëndësishme është të reduktoj sa më shumë risqet nga ndonjë dëmtim. Ndaj, stërvitem rreth 90 minuta. Madje ka ditë që nuk stërvitem fare”, tha Nadal.

“Ka ditë që nuk kam fare dëshirë të stërvitem dhe të marr raketën në dorë. Për momentin nuk ka turne, ndaj nuk kam ndonjë motivim dhe stimuj për t’u stërvitur”, tha Nadal.

Ndeshjet e tenisit janë ndërprerë deri më 31 korrik, ndërkohë që javën e ardhshme pritet të merret një vendim për grand slam e US Open dhe turnetë e tjerë të gjysmës së dytë të 2020-ës.


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme