Marash Kumbulla bën “bomberin” te Espanyol

Futboll Bota | 2 vite më parë

Marash Kumbulla bën “bomberin” te skuadra e Espanyol në përballjen me Getafe në javën e 32-të të La Ligës. Mbrojtësi kuqezi zhbllokoi sfidën në minutën e 39-të duke bërë që RCDE Stadium të shpërthejë.

Ndeshja nisi shumë e luftuar, me shumë faulle dhe ndërprerje. Kishte pak afrime të rrezikshme në secilën zonë, por Espanyol goditi rastin e parë në portë. Njëqind për qind efektive.

Në minutën e 39-të Kumbulla shfrytëzoi në maksimum një top të vdekur në zonë, me të majtën lëshoi një gjuajtje duke firmosur për 1-0.

Espanyol arriti të ruajë deri në fund avantazhin e firmosur nga Kumbulla duke rrëmbyer tri pikë të arta në garën për tu larguar nga zona e rrezikut, ndërsa mbrojtësi kuqezi luajti deri në minutën e 72-të për tu zëvendësuar nga Fernando Calero.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.