Ronaldo fenomeni nuk është shumë i popullarizuar në mesin e tifozëve të Real Valladolid. Braziliani, pronar i klubit spanjoll, ka vendosur të dorëzojë çelësat dhe transferimi mund të zyrtarizohet në ditët në vijim. Prandaj Real Valladolid do të ketë një pronar të ri sezonin e ardhshëm, duke shpresuar që të kthehet shpejt në La Liga pas rënies në kategorinë e dytë që u bë realitet një javë më parë.

Të shtunën, gjatë ndeshjes kundër Barcelonës, grupe të organizuara protestuan kundër ish-sulmuesit të Interit, Real Madridit dhe Milanit, duke hedhur në fushë 60 mijë kartëmonedha me imazhin e Ronaldos dhe fjalët: “Shko në shtëpi”.

Por kjo nuk është e gjitha: Ronaldo u kap në një restorant të famshëm në kryeqytetin spanjoll… dukshëm i dehur. Imazhet u bënë virale në mediat sociale, duke indinjuar më tej tifozët e Real Valladolid vetëm disa orë pas një tjetër humbje të sezonit.