Kryetarja e Kuvendit, Elisa Spiropali, priti sot paradite (16 maj) në Kryesinë e Kuvendit, Presidenten e Parlamentit Europian, Roberta Metsola, e cila ndodhet në Tiranë për të marrë pjesë në Samitin e Komunitetit Politik Europian.

Autoriteti i lartë i Legjislativit europian vlerësoi Samitin që mbahet në Tiranë si historik për Shqipërinë dhe rajonin.

“Samiti i Gjashtë i Komunitetit Politik Europian në Tiranë, është i rëndësishëm për Shqipërinë, rajonin dhe Europë”, mësohet të jetë shprehur Spiropali.

Kryeparlamentarja ka sjellë në vëmendje se “Rezultati i zgjedhjeve në Shqipëri rikonfirmoi mbështetjen e gjerë popullore për bashkimin me familjen europiane”.

Nga ana tjetër, Spiropali shprehu mirënjohje për mbështetjen e fuqishme të Parlamentit Europian për anëtarësimin e Shqipërisë.

Një falenderim të posaçëm Spiropali e bëri për hapjen në Tiranë të Zyrës Rajonale të Parlamentit Europian duke e cilësuar si vlerësim për arritjet dhe prestigjin e Shqipërisë.

Në vlerësimin e kryetares së Kuvendit të Shqipërisë erdhi për autoritetin legjislativ europian gjithashtu edhe votimi për here të parë nga jashtë vendit me pjesëmarrjen e lartë të Diasporës në procesin zgjedhor.

“Kuvendi do të vijojë të udhëheqë me vendosmëri procesin e anëtarësimit të Shqipërisë në Bashkimin Europian brenda vitit 2030 dhe shpreh mirënjohjen për mbështetjen e Parlamentit Europian dhe institucioneve europiane për këtë objektiv ambicioz, por të arritshëm”, thekson kryeparlamentarja.