Ministri i Jashtëm i Iranit, Abbas Araghchi, duket se po bën një thirrje të fshehtë që SHBA-të të ndërhyjnë dhe të negociojnë përfundimin e armiqësive disaditore midis Izraelit dhe Iranit.

Në një postim në platformën sociale ‘X’, Araghchi shkruan se nëse Trump është “i sinqertë në lidhje me diplomacinë dhe i interesuar për ndalimin e kësaj lufte, hapat e mëtejshëm janë të rëndësishëm”. Duhet një telefonatë nga Uashingtoni për t’i mbyllur gojën dikujt si Netanyahu”, vazhdon diplomati më i lartë i Iranit.

“Kjo mund të hapë rrugën për një rikthim në diplomaci.”

I menjëhershëm ka qenë reagimi i Presidenti amerikan, Donald Trump, i cili ka thënë se tani është një çast i përshtatshëm për të folur me Iranin, nëse udhëheqësit e këtij të fundit janë të gatshëm për bisedime.

Këtë, kreu i Shtëpisë së Bardhë e tha teksa ishte në margjinat e Samitit të G7, duke mbështetur po ashtu plotësisht çfarë Izraeli po bën në konflikt me Iranin.

Sipas Trump, Irani nuk po e fiton këtë luftë dhe përpara se të jetë shumë vonë, Irani duhet të zgjedhë të flasë.

Duke folur me gazetarët në Samitin e G7 në Kanada, Presidenti i SHBA-ve, Donald Trump, u pyet se çfarë do të duhej që Shtetet e Bashkuara të bashkoheshin në luftën kundër Iranit, të cilës ai iu përgjigj: “Nuk dua të flas për këtë”.

Benjamin Netanyahu is a wanted war criminal. He is also a con man who has duped successive U.S. Presidents into fighting his own wars for almost three decades.

By all indications, the purpose of Netanyahu's criminal attack on Iran—killing hundreds of innocent civilians,… pic.twitter.com/d1p6ZmSEEg

— Seyed Abbas Araghchi (@araghchi) June 16, 2025

/rtsh.al/