Kryeministri Starmer kryeson mbledhjen urgjente të Cobra-s për Lindjen e Mesme

Lindja e Mesme | 1 vit më parë

Kryeministri britanik Keir Starmer ka kryesuar sot një takim urgjent të Komitetit Cobra, organit të nivelit të lartë për reagimin ndaj emergjencave, me fokus situatën në Lindjen e Mesme.

Një zëdhënës i Downing Street bëri të ditur se gjatë takimit, ministrat u informuan mbi “përpjekjet për të mbështetur shtetasit britanikë në rajon dhe për të mbrojtur sigurinë rajonale”, si dhe mbi “përpjekjet e vazhdueshme diplomatike”.

Vendimi i Starmer për të mbledhur komitetin Cobra vjen menjëherë pas kthimit të tij nga samiti i G7 në Kanada, ku ai dhe udhëheqës të tjerë botërorë theksuan “angazhimin e tyre për paqe dhe stabilitet” në rajon. Mbledhja urgjente reflekton shqetësimin e lartë të qeverisë britanike për tensionet në rritje dhe nevojën për koordinim të shpejtë të veprimeve.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.