Departamenti Amerikan i Shtetit ka filluar evakuimin e amerikanëve nga Izraeli. Lajmin e ka bërë të ditur ambasadori amerikan në Izrael Mike Huckabee, i cili theksoi se ky veprim është ndërmarrë pas intensifikimit të sulmeve mes Iranit dhe Izraelit.

“Departamenti Amerikan i Shtetit ka filluar evakuimin e amerikanëve nga Izraeli”, shkroi në ‘X’ Huckabee.

Gjitashtu, Huckabee dha këshilla të përbashkëta të sigurisë, përfshirë këshillat për të mësuar vendndodhjen e strehës më të afërt të bombës ose strehimit tjetër të ngurtësuar, adresuar amerikanëve që vijojnë të ndodhen në Izrael.

Departamenti i Shtetit ka qenë duke u përgatitur për të evakuuar amerikanët nga Izraeli për disa ditë ndërsa Izraeli dhe Irani po luftojnë mes tyre dhe teksa presidenti amerikan Donald Trump po peshon përfshirjen e SHBA-së në luftën ndaj Iranit, duke i dhënë këtij të fundit 2 javë për t’u ulur në bisedime.

/rtsh.al/