Yildiz jep spektakël, Juve bën “poker” kundër Wydad

Botërori i Klubeve 2025 | 1 vit më parë

Juventusi mundi Wydad Casablanca-n 4-1 në javën e dytë të Grupit G dhe e gjen veten me një këmbë në raundin e 16-shes së Kupës së Botës për Klube.

Ylli absolut i ndeshjes ishte Kenan Yildiz. Së pari ai ndikoi te autogoli i Boutouil që hapi ndeshjen, pastaj dyfishoi rezultatin me një goditje të bukur nga skaji i zonës, duke e mbyllur më në fund rezultatin me një tjetër gol të shkëlqyer në pjesën e dytë.

Në mes të shfaqjes së turkut, goli i Lorch e ngushtoi vetëm për një çast diferencën dhe në fund një penallti e fituar dhe e shndërruar në gol nga Vlahovic.

Të enjten është ndeshja e fundit e grupit, kundër Manchester City-t, që ka të ngjarë të jetë vendimtare në përcaktimin se kush do të përfundojë në krye.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.